O monte Tremuzo está situado a pouco máis dun km do Cruceiro de Roo. Alí, está o Miradoiro situado na cima do Monte Tremuzo, de 525 m de altitude. Contorna marítima-forestal. Contémplase, en toda a súa extensión, a ría de Muros-Noia. Se o día é claro vese o tramo final do río Tambre, a desembocadura do Tines na enseada do Engano, que une as súas augas neste lugar ao anterior, a punta de Corrubedo, o anfiteatro montañoso da Serra do Barbanza e a vila de Muros co Monte Louro de vigía. A poucos metros da cima acondicionouse unha área de recreo.
Esta área de recreo hoxe en día atópase nun estado deplorable totalmente abandoada.
Este merendeiro atópase na ladeira do monte e dende alí pódense ver unhas magnificas vistas da ría e da poboación que as rodea. Pero dende hai un tempo o acceso a el e moi dificil e a auga da fonte desvíase e acaba debaixo da única mesa que se atopa en condicións. Gustaríame que se arranxe e poidamos pronto disfrutar outra vez de ese magnífico lugar perfecto para o descanso e o disfrute de todas esas persoas que o visitan.
Por: Javier Beiro
