Outes F.C.

Outes F.C.

Netes cinco partidos o Outes logrou, 3 victorias, 2 empates e 0 derrotas.Leva unha boa tempada respecto as outras e só viu 2 tarxetas amarelas (Álvaro Noya e Samuel Pensado). A sua mellor vitoria é de 11-1 na casa. O máximo goleador do equipo é Manuel González e Paullo Henrique cun gol por partido seguidos por Veleiro (4 goles na liga) recen recuperado dunha lesión no ombro dereito.

Calendario cos resultados:

Outes F.C. 11-1 Muxia C.D.

Malpica F.C. 1-1 Outes F.C.

Outes F.C. 4-0 Sporting Zas

Camariñas C.F. 0-3 Outes F.C.

Outes F.C. 3-3 U.D. Cee

Muros S.D. Sig.part. Outes F.C.

Por: César Lago Carrillo.

O Concello de Outes declarará o 2012 como ano de Francisco Añón

                    

A corporación acordou por unanimidade adicar o próximo ano á promoción de actividades culturais ao redor da figura e obra do escritor outiense ao cumprirse o douscentos aniversario do seu nacemento.(Ler máis).

Francisco Añón, naceu en Boel, (Serra de Outes), o 9 de outubro de 1812. A súa infancia aldeá está evocada no mellor dos seus poemas: Recordos dá infancia. Na súa mocidade tivo que fuxir a Portugal tras o levantamento de 1848. Alí viviu sete anos ata que foi expulsado pola publicación da súa "Hymno dos Povos" en portugués.  
Percorreu Francia e Italia. Volto a España, residiu en Andalucía tres anos, traballando en xornalismo e ensino de idiomas.
Nos Xogos Florais da Coruña de 1861 presenta o seu poema A Galicia, o cal é premiado, ademais de ter a virtude de ser o único presentado en idioma galego.
O poeta pasou os seus últimos anos en Madrid, pobre e enfermo. Faleceu en 1878.

Duchas de auga fría

No I.E.S Poeta Añón a auga das duchas dos vestiarios, tanto o de homes como o de mulleres, sae fría e tarda moito en quentar, e cando se abren as duchas nun vestiario no outro sae moi fría. Ademáis, os rapaces e rapazas baixamos suando producíndose un cambio de temperatura tan brusco que pode ser perxudicial para a nosa saúde, e ainda peor agora que ven o inverno. Esperemos se arranxe pronto este problema.

Por: Javier Beiro

Axudando á pesca artesanal



A ría de Muros-Noia. Din que é unha das máis produtivas e que a biodiversidade na zona é moi elevada, chegándoa a describir como un dos paraísos mariños máis importantes de Galicia. A visita de Greenpeace  realizouse porque nela queren establecer unhas 20 granxas de salmón que acabarían coa produtividade da zoa. (Ler máis)

Blogpost por Celia Ojeda - octubre 16, 2011 en 11:25

Coñecendo Outes

Outes, ao atoparse nun marco xeográfico tan especial, alberga gran variedade de formacións xeolóxicas que conforman unha paisaxe de contrastes e matices únicos.
O trazo máis significativo do relevo outiense é o gran número de montes que se levantan por case a totalidade da súa superficie, así como a súa elevada altitude que destaca sobre as suaves ondulacións dos municipios limítrofes. Existen cinco cumes que roldan os 500 metros, sendo o Monte Tremuzo o punto máis alto do concello, que, dominando dende o seu impoñente perfil toda a ría de Noia, serve de fronteira entre as parroquias de Outes, Sabardes e Roo.
O río máis importante é o Tambre, que chega a Outes despois de percorrer 84 Kilómetros, e que fai de fronteira con Noia no seu último tramo. Desembocan no Tambre os ríos de Laxoso, de curto percorrido por Cando, e o Doas, que vindo dende Negreira cruza cos seus máis de 12 kilómetros de lonxitude todo S. Ourente e termina en Ponte Nafonso.


http://www.youtube.com/user/gallego1707

A ponte de Afonso II

Achegámonos hoxe a este lugar entre as parroquias de Roo (Noia) e Cando (Outes). Atravesamos a ponte que Afonso II o Casto mandara construír sobre o Tambre. Foi un punto neurálxico de tránsito nesta zona até que se construíu a ponte de Ceilán.

http://www.youtube.com/user/anosaterraTV

Actividades para disfrutar en Outes

O CONCELLO DE OUTES, a través das Concellerías de Cultura e Deportes, Asuntos Sociais e Dependencia a Muller, Igualdade e Educación e dos departamentos de animación sociocultural e normalización lingüística e o Centro Social, dentro do programa de actividades de ocio e tempo libre, oferta unha serie de actividades, as cales serán nomeadas a continuación:

CURSOS E TALLERES

1.- Bailes de Salón.

2.- Pintura.

3.- Baile Rexional.

4.- Gaitas e Percusión.

5.- Pandeireta e Canto Rexional.

6.- Corte e Confección.

7.- Manualidades e Restauración (por parroquias).

8.- Animación nas Parroquias.

9.- Contacontos.

10.- Ludoteca.

11.- Club de Lectura.

12.- Cursos de Informática.

13.- Un aula de ordenadores aberta ao público con acceso a internet.

ACTIVIDADES CULTURAIS

1.- XVII Encontro de Habaneras.

2.- Exposicions de pinturas.

3.- Campionato de trompos e magosto.

4.- Concurso de postais de Nadal.

5.- Cine no Nadal.

6.- Festa infantil no Nadal.

7.- Outono teatral.

8.- Espetáculo de maxia.

ESCOLAS DEPORTIVAS

1.- Fútbol Sala

2.- Tenis de mesa

3.- Xogos infantís

4.- Multideporte e xogos populares

5.- Fútbol

6.- Piragüismo

7.- Liga de fútbol sala de Outes.

CENTRO DE INFORMACIÓN AS MULLERES

1.- Programa “Gañamos coa igualdade”

2.- Programa “Conto contigo”

3.- Talleres “Ioga da risa”

4.- Representación teatral

5.- Contacontos

6.- Busca de emprego, edición dixital e tratamento de imaxe

7.- Xampaña 8 de Marzo. Día internacional das mulleres

8.- Obradoiro de memoria para maiores de 45 anos.

EDUCACIÓN FAMILIAR

1.- Taller de competencias básicas

2.- Talles de técnicas de traballo intelectual

Por: Aida Arias e Andrea Sieira.

IV Marcha BTT da Serra de Outes


O 9 de outubro, terá lugar a cuarta edición da marcha da Serra de Outes.Este ano haberá dous percorridos, un longo de 47 km aproximadamente cunha dificultade media/alta tanto fisica como tecnicamente, cun desnivel acumulado de 1841metros.
O segundo duns 30km  e dificultade media cun desnivel acumulado de 933metros.
As inscricións faranse a partir de mediados de setembro e seran gratuítas, este ano auméntanse a 300 as prazas, debido a que en anteriores edicións, quedaron moitas persoas fóra por falta de prazas.
Na miña opinión é unha boa iniciativa, pero non me parece ben que os menores de 16 anos non poidan participar neste evento.Gustaríame saber o motivo.

Por: Julián Molinos